Uncategorized

დეზინფექცია – ვირუსთან ბრძოლის ეფექტური გზა

დეზინფექცია ვირუსთან ბრძოლის ერთ-ერთი საუკეთესო გზაა.

დეზინფექცია თავისი შინაარსით მიმართულია იმისკენ, რომ გაანადგუროს ბაქტერიები და ყველა ის მიკროორგანიზმი, რომელიც ადამიანისა და გარემოსთვის საფრთხის შემცველია.

კორონა ვირუსით გამოწვეული პანდემიის პირობებში სწორი და დროული დეზინფექცია ვირუსის პრევენციის ერთ-ერთი გზაა. სწორედ ამიტომ ჯანდაცვის მსოფლიო ორგანიზაციის რეკომენდაციების მიხედვით ყველა ზედაპირი ყოველდღიურად უნდა დამუშავდეს შესაბამისი კონცენტრაციის ხსნარით.

დაავადებების კონტროლის ეროვნული ცენტრის რეკომენდაციის მიხედვით, ვირუსთან საბრძოლველად ეფექტურია შემდეგი ქიმიური ნივთიერებების კონცენტრატები:

  • ეთანოლი
  • ნატრიუმის ჰიპოქლორიტი
  • პოვიდონ-იოდი
  • გლუტარალდეჰიდი
  • იზოპროპანოლი
  • ბანზალკონიუმის ქლორიდი
  • ნატრიუმის ქლორიტი
  • ფორმალდეჰიდი

როგორ უნდა შევარჩიოთ სადეზინფექციო სითხე?

უნდა ვიცოდეთ, რომ სადეზინფექციო სითხეები განსხვავდება კონცენტრაციის მიხედვით. განსხვავებულია მათი განზავების პროცენტულობაც. გამოყენებამდე აუცილებლად გაეცანით ინსტრუქციას. შეიძინეთ იმ ზედაპირისთვის განკუთვნილი სითხე, რის დეზინფექციასაც გეგმავთ. განსხვავებული ზედაპირისთვის განკუთვნილი სითხე სხვა ზედაპირზე გამოყენების შემთხევაში არაეფექტურია.

როგორ დავიცვათ კანი დეზინფექციის დროს?

სადეზინფექციო სამუშაოების ჩატარების პროცესში სასურველია იყოთ ეკიპირებული, გეცვათ დამცავი ხელთათმანი და გეკეთოთ დამცავი ნიღაბი.

რა განსხვავებაა კანის და ზედაპირის სადეზინფექციო სითხეებს შორის?

ადამიანის კანის სადეზინფექციო სითხეები, გამოირჩევა დაბალი კონცენტრაციით. ის სრულად უვნებელია ადამიანის კანისთვის. ის კლავს ბაქტერიებსა და ვირუსებს და იცავს ცოცხალ ორგანიზმს.

ხელის სადეზინფექციო ხსნარი ნაკლებად ეფექტურია მყარი ზედაპირის სადეზინფექციოდ.

დეზინფექცია მხოლოდ ერთ-ერთი პრეცენციული ზომაა ვირუსებთან საბრძოლველად და დეზინფექციის გარდა საჭიროა სველი წესით უფრო ინტენსიური დასუფთავება, პირადი ჰიგიენის დაცვა და სხვა რეკომენდაციების შესრულება.