Uncategorized

როგორ გამოვიყენოთ ჟანგბადის ბალონი სახლის პირობებში?

სამედიცინო აპარატურის სახლის პირობებში გამოყენებისას უნდა დავიცვათ ყველა უსაფრთხოების წესი.

დღევანდელ ბლოგში განვიხილოთ, როგორ გამოვიყენოთ სწორად და უსაფრთხოთ ჟანგბადის ბალონი.

  1. როგორ გამოვიყენოთ ჟანგბადის ბალონი სახლის პირობებში?

ჟანგბადის ბალონის გამოყენებისას აუცილებელია ექსლუატაციის წესების დაცვა.

ჟანგბადის ბალონები შეიძლება იყოს სხვადასხვა მოცულობის.  ყველაზე გავრცელებულია 2, 5 და 10 ლიტრიანი ბალონები. ბალონზე მაგრდება მარეგულირებელი, რომლის მიხედვითაც რეგულირდება ჟანგბადის ნაკადი.

დატენილ მდგომარეობაში ბალონი უნდა მოარიდოთ პირდაპირი მზის სხივებისგან და ასევე ცხიმიანი/ზეთიანი ხელით შეხებას.

რედუქტორზე მაგრდება პაციენტთან დამაკავშირებელი სახის ნიღაბი ან ცხვირის კანულა, რისი მეშვეობითაც პაციენტი ჩაისუნთქავს ბალონიდან გამოსულ ჟანგბადს.

  • რა დამატებითი პროდუქტებია საჭირო მისი ფუნქციონირებისთვის? ( და როგორ ავაწყოთ გამოყენებისთვის საჭირო ჯაჭვი?)

დატენილ ბალონს აუცილებლად სჭირდება რედუქტორი დამატენიანებელი ჭიქით, რომელიც უნდა დაუმაგრდეს ბალონს. მას აქვს მანომეტრი, რომელიც გვიჩვენებს ბალონში არსებული ჟანგბადის მოცულობას.  ბალონს აქვს მარეგულირებელი, რომლითაც ჩვენ ვარეგულირებთ ბალონიდან გამოსული ჟანგბადი რა სიხშირით/ინტენსივობით მივაწოდოთ პაციენტს და ასევე თან სდევს დამატენიანებელი ჭიქა, რომელშიც აუცილებლად უნდა ესხას გამოხდილი წყალი (აფთიაქში ნაყიდი).

ჭიქას აქვს მინიმალური და მაქსუმალური ზღვარი, შესაბამისად წყლის დონემ უნდა მიაღწიოს საშუალო დონეს. ჭიქას აქვს გამომსვლელი, რომელზეც მაგრდება პაციენტთან დამაკავშირებელი სახის ნიღაბი ან კანულა.

  • როგორ და სად ხდება ჟანგბადის ბალონის შევსება?

ჟანგბადის ბალონის დატენვა ხდება სპეციალურ პუნქტებში. ეს პუნქტები მდებარეობს თითქმის ყველა დიდი საავადმყოფოს მიმდებარე ტერიტორიებზე. ასევე არსებობენ კომპანიები, რომლებიც ადგილზე მისვლით ავსებენ ბალონებს.

  • რა ექსპლუატაციის წესები უნდა დავიცვათ მისი გამოყენებისას?

ბალონი ძალიან მოსაფრთხილებელი ნივთია, მოარიდეთ ის პირდაპირი მზის სხივებს, არ მოახვედროთ ცხიმიანი ხელი, დაიცავით იგი დავარდნის და სხვა ზედმეტი ზემოქმედებისაგან. გამოყენების შემდეგ, ცარიელ მდგომარეობაში შეინახეთ უსაფრთხო გარემოში.