Uncategorized

სწორი სუნთქვა – სუნთქვითი ვარჯიშები სახლის პირობებში

სწორი სუნთქვა ადამიანის ჯანმრთელობის განუყოფელი ნაწილია.

სუნთქვის განსაკუთრებული თავისებურება, სხვა ვეგეტატურ ფუნქციებთან შედარებით, ისაა, რომ ადამიანს გააჩნია სუნთქვის ტემპის, რიტმისა და ამპლიტუდის ნებისმიერად შეცვლის უნარი მოძრაობაში. სუნთქვითი უკმარისობის დროს, პაციენტებს, რომელთაც აქვს ფილტვის პათოლოგიები, ხშირად ენიშნებად სუთქვითი ვარჯიშები.

სუნთქვითი ვარჯიშები კურნავს ბრონქების დაავადებებს, აუმჯობესებს ნივთიერებათა ცვლას, ამაღლებს კონცენტრაციის უნარს და სხვა კოგნიტურ ფუნქციებს, აუმჯობესებს ძილსა და ფიზიკურ მაჩვენებლებს.

არსებობს სტატიკური და დინამიკური ხასიათის სუნთქვითი ვარჯიშები.
დინამიკური ვარჯიშები  ძირითადად ზედა და ქვედა კიდურების მოძრაობის თანხლებით ან მთელი სხეულის გადაადგილების პროცესში სრულდება.

სტატიკური სუნთქვითი ვარჯიშები ძირითადად ღრმა სუნთქვითი ვარჯიშებია. ამის გარდა, სტატიკური სუნთქვითი ვარჯიშები შეიძლება გამოვიყენოთ დიაფრაგმის მოძრაობის გასაზრდელად. აღნიშნულ სუნთქვას დიაფრაგმულ ან მუცლით სუნთქვას უწოდებენ. სუნთქვის ეს სახეები შეიძლება შესრულდეს როგორც კონტროლით, ისე მის გარეშე.

სტატიკური სუნთქვის გასაუმჯობესებლად კარგია ჩაბერვითი ვარჯიშები, რომელიც სახლის პირობებშიც შეგიძლიათ ჩაიტაროთ. სუნთქვით ვარჯიშად შეგვიძლია მივიჩნიოთ ბუშტის გაბერვაც კი.

თანამედროვე მედიცინაში აქტიურად გამოიყენება სხვადასხვა სუნთქვის სავარჯიშო აპარატები, რომელიც მარტივად გამოიყენება სახლის პირობებში. ჩაბერვით იზომება სუნთქვის სიხშირე და სიმძლავრე.

კორონა ვირუსით გამოწვეული ჩვენებების მიხედვით სუნთქვითი უკმარისობა ვირუსის მთავარი გამოვლინებაა. ფილტვების სტიმულირება, სუნთქვითი ვარჯიშების დახმარებით რეკომენდირებულია ჯანდაცვის მსოფლიო ორგანიზაციის მიერ.