Uncategorized

რა არის ჰიპერტენზია?

ჰიპერტენზია არის დაავადება, რომლის დროსაც მომატებულია სისხლის წნევა.

არტერიული ჰიპერტენზია ერთ-ერთ ყველაზე გავრცელებულ დაავადებად ითვლება  მისი გავრცელების საშუალო მაჩვენებელი პოპულაციურ დონეზე დაახლოებით 30 პროცენტია. ეს არის დაავადება  რომლის მექანიზმიც ძალზედ მრავალმხრივია.

არტერიულ წნევაზე გავლენას ახდენს არაერთი ფაქტორი, როგორიცაა ფიზიკური თუ გონებრივი დატვირთვა, გადაჭარბებული ემოციები, კვება, გარემო ტემპერატურა და სხვა.
არტერიული ჰიპერტენზია თანაბრად საფრთხის შემცველია, როგორც ქალბატონებში ასევე მამაკაცებში. უნდა აღინიშნოს ისიც, რომ მაღალი არტერიული წნევა ვლინდება თითქმის ყველა ასაკის ადამიანში და საფრთხეს უქმნის ორგანოთა ჯაჭვურ, სტაბილურ ფუნქციონირებას.

რა იწვევს არტერიულ ჰიპერტენზიას?

როგორც უკვე აღვნიშნეთ დაავადება არის მრავალხრივი და შესაბამისად გამომწვევი მიზეზებიც არაერთგვაროვანია.

ძირითადად მაღალ არტერიულ წნევას პაციენტებში იწვევს:

  • გენეტიკური ფონი
  • ჭარბი წონა
  • ალკოჰოლის ხშირი და ჭარბი მოხმარება
  • პასიური ფიზიკური აქტივობა

რა სიმპტომები ახასიათებს ჰიპერტენზიას?

არტერიული ჰიპერტენზიის სიმპტომები განსხვავებულად ვლინდება პაციენტებში. სიმპტომები დამოკიდებულია პაციენტის თანმხლებ დაავადებასა (არსებობის შემთხვევაში) და ორგანიზმის თავისებურებაზე.

არტერიული ჰიპერტენზიის სიმპტომები:

  • თავის ტკივილი
  • გულისრევა
  • ჰაერის უკმარისობა
  • ტკივილი გულისა და კეფის არეში
  • პულსაციის შეგრძნება ყურის არეში
  • თავბრუსხვევა

როგორ ხდება ჰიპერტენზიის პროფილაქტიკა?

არტერიული წნევის დასარეგულირებლად აუცილებელია სპეციალისტის კონსულტაცია, რომ ჩატარდეს შესაბამისი კვლევები და დაიწყოს მედიკამენტური მკურნალობა.

პაციენტებს, რომლებიც ატარებენ არასტაბილურ წნევას აუცილებელია ყოველდღიურ რეჟიმში აკონტროლონ მაჩვენებელი.